மனம் ஒரு குரங்கு !

மனம் ஒரு குரங்கு - மரம்விட்டு மரம் தாவும்
மந்திகள் போல !

நிலையான வாழ்வில் நிலைக்க நினைப்பதில்லை
நேற்று அதை செய்தேன் , இன்று இதை செய்தேன்,
நாளை அதைச்செய்வேன் - என்ற முடிவில்லா சிந்தனை !

சுற்று வட்டத்திலோ ,சொந்தபந்தத்திலோ
இழப்போ, இறப்போ வந்தால்மட்டும் - மனம்
விழித்துக்கொள்கிறது !

தனக்குத்தானே ஒரு சிறிய சமாதானம்
நேற்று அவன் எதைக்கொண்டுவந்தான், இன்று
எதைக்கொண்டுச்செல்கிறான் - ஒன்றுமில்லை என்று !

நாளை இதைச்செய்யவேண்டும் , அதைவாங்கவேண்டும்
மனதில் ஒரு சலனம் - ஆனால்

நான் என்னசெய்ய பெற்றபிள்ளைகள்,
பேறபிள்ளைகள் வேற அதற்க்காகதான் அல்லல் படுகிறேன்
மற்றவருக்கு ஒரு நொண்டிசாக்கு!

ஆம் மனம் ஒரு குரங்கல்லவா ?




உண்மைவிரும்பி.
மும்பை.